काठमाडौं, साउन ११। राष्ट्रिय स्वतन्त्र पार्टीका सभापति रवि लामिछानेको समर्थनमा जारी हस्ताक्षर अभियानमा पूर्वसांसद अमरेश कुमार सिंहले समेत सहभागी जनाएका छन्। हस्ताक्षर अभियानमा सहभागी हुँदै उनले सरकारप्रति कडा आरोप लगाएका छन्।

‘सरकार जनताको आवाजसँग डराउन थालिसकेको छ,’ सिंहले भने, ‘रबि लामिछानेमाथि गरिएको व्यवहार सरकारले आफ्नो असफलता लुकाउन खोजेको एउटा नाटक हो।’ उनका अनुसार लामिछानेविरुद्धको मुद्दा राजनीतिक प्रतिशोधको प्रतिफल हो र यसले सरकारको चरित्र स्पष्ट भएको छ। ‘जनता जागिसकेका छन्, अब सरकारको ज्यादती टोलाउन सकिँदैन,’ उनले जोड दिए।

सिंहले लामिछानेको लोकप्रियता र जनसमर्थन सरकारलाई असह्य भएको बताए। उनले अभियानमा सशक्त उपस्थित जनाउँदै सबैलाई निष्पक्ष न्यायका पक्षमा उभिन आग्रह गरे। राष्ट्रिय स्वतन्त्र पार्टीले काठमाडौंसहित देशभर हस्ताक्षर संकलन अभियान थालेको छ। अभियानको उद्देश्य रबि लामिछानेमाथि लागेको अभियोगलाई राजनीतिक षड्यन्त्र सावित गर्दै जनमत निर्माण गर्नु रहेको छ।