काठमाडौं । नेपाल स्टक एक्सचेञ्ज (नेप्से) परिसूचक आज दोहोरो अङ्कले घटेको छ भने कारोबार रकम पछिल्लो ११ महिनाकै उच्च विन्दुमा पुगेको छ।

आज नेप्से परिसूचक १८.४४ अङ्कले घटेर २,९६४.२० विन्दुमा झरेको छ। कुल ३२३ कम्पनीको ५ करोड ८६ लाख ५३ हजार ७६२ कित्ता शेयर २ लाख ३ हजार ६५८ पटक किनबेच हुँदा कुल कारोबार रकम २६ अर्ब ५७ करोड ७४ लाख ३८ हजार २३७ रुपैयाँ पुगेको छ। यो पछिल्लो झण्डै ११ महिनाकै सबैभन्दा ठूलो कारोबार हो।

उपसमूह सूचकको अवस्था यस्तो छ:

विकास बैंक समूह १.२३ प्रतिशत, उत्पादन तथा प्रशोधन १.०८ प्रतिशत, म्युचुअल फण्ड ०.३९ प्रतिशत र व्यापार समूह १.४४ प्रतिशतले बढेका छन्। तर अन्य सबै समूहमा गिरावट देखिएको छ।

बैंकिङ: -०.७१%
वित्त: -१.९९%
होटल तथा पर्यटन: -१.७९%
जलविद्युत्: -१.०९%
लगानी: -१.६६%
जीवन बिमा: -१.३५%
निर्जीवन बिमा: -०.६७%
अन्य: -०.८६%

विशेष आकर्षण र गिरावट

आज समता घरेलु लघुवित्त वित्तीय संस्था लिमिटेड र ट्रेड टावर लिमिटेडका शेयरमा सकारात्मक सर्किट लागेको छ।
त्यसैगरी, सबैभन्दा धेरै गिरावट नारायणी डेभलपमेन्ट बैंक लिमिटेडको शेयर मूल्यमा देखियो, जसमा ६.३४ प्रतिशतको गिरावट आएको छ।

उच्च कारोबार

कारोबार रकमका आधारमा आज शिवम् सिमेन्ट लिमिटेड अग्रस्थानमा रह्यो, जसको शेयरमा १ अर्ब २ करोड ३५ लाख ९२३ रुपैयाँ बराबरको कारोबार भएको छ।
त्यस्तै, शेयर सङ्ख्याका आधारमा सबैभन्दा बढी किनबेच लक्ष्मी सनराइज बैंक प्रमोटरका २१ लाख २० हजार ९१२ कित्ता शेयरमा भएको हो।